هاااااااااااااااام لكل اهالى القريه الكراااااااااااااااام

السلام عليكم اولا...... كل سنه وانتوا طيبين بمناسبه شهر رمضان الكريم اعاده الله علينا بالخير واليمن والبركات....وبالمناسبه دى انا كان عندى اقتراح اننا نعمل اى حاجه خير فى الشهر الكريم بمعنى ليه منعملش شنطه رمضان او مائده رحمان او حتى نجمع تبرعات ونديها لاحق الناس بيها فى البلد ودا طبعا ليه ثواب كبير عند ربنا بالاضافه ان دا هيخلى الناس متعاونه فى البلد اصل فى ناس ممكن تكون عايزه تعمل خير بس متعرفش هتعمله ازاى فتكسل انها تعمل حاجه لوحدها لكن لو اتعرضت الفكره جماعيه هتتشجع وتعمل الخير وهيبقلها الثواب وللناس اللى شجعتها لان الدال على الخير كفاعله ارجو الاهتمام والتعليق وكل واحد وواحده يقولوا رأيهم ونتحاور فى الموضوع دا وبعد اذن المسئولين عن المنتدى الموضوع دا ممكن يبقى ليه اكتر من كومنت _لان على حسب معلوماتى عن المنتديات انها بتحزف الموضوعات اللى بيكون فيها كلام كتير اشبه بالشات_ فمعلش مكن يستثنوا الموضوع دا وجزااااااااااكم الله كل خير ارجوا الاهتمام والرد على الاقتراح

جميل شيتوس رائع بجد
انا اول واحد موافق على الاقتراح ده
واشجع موضوع التبرعات افضل شى
وعندى موضوع تانى هتكلم فيه بكره انشاء الله

خلاص ماشى يا استاذ على وشكرا ع المشاركه والاقتراح اللى لسه هتقوله وممكن الموضوع دا ميقتصرش على الناس الموجوده فى المنتدى بس لو حد عنده اصحاب واخواته واهله وكدا يعنى يقولهم على الفكره واعتقد برضو انه فى جروب ع الفيس لبلدنا فلو حد مشترك فيه ياريت يعرض الفكره

منوره يا شيتوس
بس انا من وجهه نظرى بلاش موضوع الفس بوك ده
خلى الفكره زى ما انتى قلتى الاصحاب والاهل كفايه
واللى نقدر نتكلم معاهم ويتقبلو الموضوع بصدر رحب
انا مش عايز اقول ان فى ناس كتير فى البلد مش مشجعه الفكره دى وبتتريق عليها كمان وده شى محزن بجد
فاخلينا فى الجانب الكويس على قدر الامكان
واللى نقدر عليه نعمله واى فكره ممكن نساعد بيها حد ياريت نعملها
وشكرا ليكى

خلاص اوكى مفيش مشاكل بلاش موضوع الفيس بس انا ملاحظه انه مفيش حد مشارك معانا فى المنتدى....................وياريت تقول الاقتراح بتاعك وشكرا ليك يا استاذ على

هو فعلا اعضاء المنتدى نايمين شويه
المهم الموضوع اللى انا كنت عايز اتكلم فيه موضوع يهمنا كلنا
طبعا اكيد كلنا سمعنا بالاهانه والرسومات اللى عملها نجيب ساويرس صاحب شركه موبينيل
واللى كان بيشتم فيها الاسلام والمسلمين
انا مش هقول يا جماعه لو بتحب دينك قاطع موبينيل لانى كلنا بنحب دينا ودى حاجه ما فهاش لووووووووو
ياريت اى حد فينا معاه موبينيل يغيره عشان يعرف ان لسه فى ناس هترد عليه ويحترم نفسه
انا عرفت انه فى الفتره اللى فاتت خسر كتير بسبب المقاطعه دى واتمنى انه يخسر اكتر
المضمون من كلامى ده واللى عايز اقوله
ان لو كل واحد فينا يعرف صاحب ليه او اخ او اخت او حتى ابوك وامك لو معاهم خطوط موبينيل حاول تفهمه الموضوع واتقنعه انه يغير خط تليفونه
ولو هتشتريله خط اتصالات على حسابك _اعتبره هديه
واتمنى ان كل واحد ياخد الموضوع بجديه وما يكسلش ويعمل كل اللى يقدر عليه

هااااااااااى انا صحيت والله هى الفكره حلوه بس التنفيذ صعب بالنسبه لينا كاعضاء لكن لو كل واحد من نحيته زي ما بتقولو الاهل والاقارب تبقى حلوه اما بالنسبه لموبينيل اعرف ناس كتير غيرت

تحياااااااااااتى ريمااااااااااز