مساء الخير بعيونك

مساء الخير بعيونك ولعيونك مساء الخير
يا اجمل حب بالدنيا تكون فية حياتى
وربي فيك اتمنى اصور فرحتي وأخلي كل ذرة بداخلي تهدي تحياتي
ليت الغلا يقدر يهز الشوق والتفسير
لعله بس لو يقدر يوصف لك طموحاتي.
اعبر..لا. ماودي! أخاف يخون التعبير
واخاف ان شفتها عيونك يطول الصمت وسكاتي.
نعم يا (نور)هالدنيا ونعم يالنور والتنوير
نعم يا اقرب من عيوني على بعد المسافاتي.
أنا جيتك وانا كلي مشاعر تحمل التقدير
باقدم لك غلا يحمل معاني طيب نياتي.
حبيبي لك انا بامشي وبارقي في سماك الطير
ابي توصل الى اخر مدى بالحب خطواتي..
معك بكل مافيني غلا مايلحقه تقصير
معاك وحتى لو تخطي أحبك في معاناتي..
أحبك ليش ما أحبك؟!وانا يكفي احب الغير!!
الى منه نطق باسمك مثل ماتنطق شفاتي.
أنا لما عرفت الحب..عرفته وكنت صغير
وعرفتك..صرت أنا أكبر من الدنيا وما فيها.
وكتبتك بالشعر حتى بدت مني الحروف تغير
كتبتك حتى شفت الناس تردد فيك ابياتي.
ومن الي بس يشغلني؟!ويقدر يشغل التفكير!!
حشا والله ما غيرك..شغلني بكل اوقاتي..
حبيبي لايجي بالك انا وفيت مهما يصير
ترى كل الكلام الي قريته بعض كلماتي