نكتة سياسية

بسم الله الرحمن الرحيم

البرادعى وواحد من الاخوان وأحمد عز راكبين عربيه بسواق
البرادعى قال أنا لما بخطب للناس بيصقفلى مليون واحد
رد بتاع الاخوان وقال انا لما بخطب فى المسجد بيصقفلى نص مليون
رد أحمد عز وقال أنا لما بدخل الحزب الوطنى بيصقفلى ربع مليون
رد السواق وقالهم وانا لو دخلت بييكم فى الحيط دلوقتى هايصقفلى 80 مليون
اتنين محششين فى مصر واحد سئل التانى طب لو فوزنا على الحكومه هانعمل إيه ؟... رد عليه التانى وقاله هانلعب النهائى مع تونس
ماهى مساحة الحرية فى مصر بعد ثوره 25 يناير ؟؟
هى حاصل عرض ضرب قفا الظابط x طول كف المواطن
رساله من تلميذ مصرى .... ألى اعزائى المتظاهرين فى التحرير ... بخصوص الثوره اللى شغاله عندكم ... متنسوش انها هاتدخل فى ماده التاريخ ... واحنا اللى بنحفظ ... فاختصروها من فضلكم
الرئيس التونسى يتصل بروتنا ويطلب أغنيه بستناك للفنانه اليسا ويهديها لمبارك
مبارك اتصل بعده واهدا اغنيه اخاصمك اه أسيبك لا للفنانهةنانسى عجرم واهدها للشعب
أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!)
.. (بعد ثورة مصر وتونس يوم الجمعة ، القذافي قرر إلغاء صلاة الجمعة في ليبيا !)
.. (الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس، مما دفع ملايين التونسيين إلى المطالبة بعودة زين العابدين بن علي.".
(مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك! )
(واحد لقي الفانوس السحري ودعكه.. طلعله العفريت وقاله: شبيك لبيك تطلب إيه؟ قاله الراجل: أنا عايز كوبري بين القاهرة وأسوان، العفريت قاله: دي صعبة قوي.. نقي حاجة تانية، الراجل قاله: خلاص خلي حسني مبارك يسيب الحكم، العفريت قاله: انت عايز الكوبري رايح جاي؟ ولا رايح بس؟
عقد الريس جلسة مع وزير الداخلية السابق حبيب العادلي قاله حزينا: منعت الحشيش يا فالح؟ أهو الشعب صحصح ! .
سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة

الرئيس التونسى يتصل بروتنا ويطلب أغنيه بستناك للفنانه اليسا ويهديها لمبارك
مبارك اتصل بعده واهدا اغنيه اخاصمك اه أسيبك لا للفنانهةنانسى عجرم واهدها للشعب

ههههههههههههه
نكت مضحكه جدا
شكرا لكى امانى

ههههههههههههههههههههههههههههههههههه
لا والله بجد يجننوووووو برافو عليكى

هههههههههههههههههه
بجد بجد براااااااااااااااااااااااااافو
تحياتى /ريمااز
تقبلى مرورى

رساله من تلميذ مصرى .... ألى اعزائى المتظاهرين فى التحرير ... بخصوص الثوره اللى شغاله عندكم ... متنسوش انها هاتدخل فى ماده التاريخ ... واحنا اللى بنحفظ ... فاختصروها من فضلكم
والله انا زعلان عليك بس يالله لازم تزاكرها

بجد نكت جميلة جدا وغاية فى الروعة
شكرا لك أختى أمانى